Madinalag-on nga ginharas sang isa ka yunit sang Leonardo Panaligan Command – New People’s Army (LPC – NPA) ang detatsment militar nga nahamtang sa Sityo Crossing Lansang, Barangay Talaon, La Libertad, Negros Oriental, sadtong alas 7:00 sa gab-i sang Nobyembre 14, 2026.
Ginlunsar ini nga aksyon militar bilang pagsabat sa panawagan sang pumuluyo sang hustisya sa mga pagpalapas sa tawhanong kinamatarung nga ginhimo sang 62nd Infantry Battalion. Madumduman nga sadtong Pebrero 10, 2025 sa amo nga lugar, hungod nga ginpatay sang amo nga berdugong tropa militar si Rolito Tanillo ukon mas kilala nga si Gamatoy, nga isa man ka residente sa lugar. Ginpaguwa sang 62nd IB nga engkwentro ang natabo kag ginpasibangdan pa nga isa ka pulang hangaway si Gamatoy apang ini napamatud-an nga himo-himo lang nga istorya sang nasambit nga militar agud ma-justify ang ila krimen.
Luwas man nga nag-atras ang mga pulang hangaway. Nagpabilin kita nga maisog kag determinado nga isulong ang inaway banwa kag paglab-ot sa sosyal nga hustisya.
The post Detatsment Militar sa La Libertad, Ginharas sang LPC-NPA appeared first on PRWC | Philippine Revolution Web Central.
From PRWC | Philippine Revolution Web Central via This RSS Feed.

