Ginlunsar sang Romeo Nanta Command -NPA ang operasyon haras sa tropa sang 94th IB sadtong Oktubre 17, 2026, alas 8:33 sang gab-i sa Sitio Bulod, Barangay Carabalan, Himamaylan City. Nakaangkon sang 3 ka kaswalidad ang kaaway nga nakilal-an nga si Cpl. Reymart Valdez, PFC John Paul Bocol kag CAA Joeval Enrile.

Napilasan man ang isa ka sibilyan nga si Marjun Olavia nga naga estar sa amo man nga lugar sa tion sang paglunsar sang aksyon militar. Naglawig sang 3 ka minuto ang operasyong haras kag halos masobra 5 ka minuto nga nakabalos sang lupok ang militar nga nagahinubog sa amo nga oras.

Halos 3 ka bulan nga nagabalik-balik ang amo nga mga tropa sa amo nga lugar kag sa mga katambi sini nga sitio mga sitio kaangay sang Sitio Taytay 2, kag Taytay 3, Crossing Cunalom, Anser kag boundary sini nga Sitio Nahulop, Barangay San Antonio kag Sitio Aglahug, Barangay Mahalang.

Ginlunsar ang amo nga operasyong haras bangud sa demanda sang pumuluyo nga biktima sang mga pamahug, pagpang-imbestigar sa masa panahon nga makaagi sa ila, sarbeylans kag pagpang-ipit  sa mga pumuluyong mangunguma sa mga nasambit nga mga lugar, pagpamahug sa mga sibilyan nga nagakagto sang ila mga uma nga ginapasibangdan nagdul ong sang bugas sa mga NPA kag iban pa nga kalakasan. Magluwas diri, masami man nga nagapinahubog ang amo nga mga militar nga nagatuga sang pwerwisyo kag kakugmat sang mga pumuluyo panahon sa ila kun nagamaoy na.

Baliskad sa ginahambal ni 303rd Brigadier General Dumusmog nga ini nga mga militar ang nag-agi lang, ang matuod halos pila na kabulan ini gabalik-balik kag nagapundo sang pila ka inadlaw ukon sinemana sa mga komunidad sa nabukid nga bahin sa Himamaylan, Kabankalan kag sa Binalbagan. Sa panahon sang atake naga ininom ang nga militar sa isa ka kubo atubang mismo sa tindahan kag kalsada. Dugang diri, base sa iya interview, ginpahayag ni Dumusmog nga panahon sang linukpanay nagdinalagan pakagto sa mga kabalayan ang militar para indi na maigo sang bala nga sa esensya ginahimo nga “Human shield” ang mga pumuluyo.

Ginkumpirma man ini sang operating troops sang 94th na pila na sila kaadlaw gaestar sa amo nga lugar bangud gahulat sila sang ila mga upod. Hinanali man nga nag-pull-out ang mayorya nga kolum sa Sitio Bulod sang nagtinaklad ang mga media upod ang convoy nga kapulisan kag para ipakita nga wala gaestar sa populisado nga lugar ang mga militar.

Sa bahin ni Olavia, paninguhaan sang RNC-NPA nga malab-ot ang iya pamilya para sa nagakaangay nga bulig kag bayad danyos isip nangin kabahin sa kaswalidad sa amo nga aksyon militar. Kadungan sini nagapanawagan man ang RNC-NPA kag bilog yunit sang NPA idalom sini na hugot nga manindugan kag indi magpasugot nga mag estar sa ila komunidad ang mga militar. Base sa International Humanitarian Law, hugot nga ginabawalan ang AFP kag PNP nga magkampo sa sulod o malapit sang komunidad panahon sang ila operasyon militar.

Ang presensya lang mismo sa militar sa ila komunidad nagatuga na sang kahadlok sa pumuluyong mangunguma nga amo ang nangunang biktima sang militarisasyon sa kabukiran. Gani, kinahanglan nga lansagon ang mga baraks kag mga detatsment nga ara man sa tunga sang mga komunidad.

The post Operasyong haras sang RNC-NPA, 3 pilason sa 94th IB appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.