Malampuson nga ginpatuman sang isa ka yunit sang Romeo Nanta Command-NPA ang pagsilot ni Dioleto Arnado, 56 anyos, isa ka kilala nga aset sang CIDG kag AFP, sadtong alas 7:19 sang aga sang Oktubre 05, 2026, sa Sitio Capaklan, Barangay Santol, Binalbagan.

Humalin pa sang 2010, gapanuhot suhot na si Arnado sa mga kalatian kag katubuhan sang ila barangay lakip na ang mga katambi sini nga lugar agud makasunod sang hulag sa mga Pulang hangaway kag i-report ini sa mga berdugong CIDG kag tropang militar. Gani, sa mga dason nga tinuig, nag-abot gid sa punto nga ginpa-reyd ni Arnado ang yunit nga ara sa erya kag sang 2022, amo man ang iya ginhimo sa isa ka kaupod nga nagtiner malapit lang sa iya nahamtangan. Bilang pagbulig sa iya, ginkompronta siya sang mga kaupod kag ginhatagan sang paandam kag tsansa nga magbag-o.

Tuod man nga nag-lie low siya matapos sini apang may ginakumbinsi man siya sa erya nga magbulos sa iya isip espiya. Nagpalinong lang siya sang pila ka bulan kag nagbalik naman sa iya obra kag mas nagsupog pa. Gani, sang mga ligad nga mga bulan, nakita siya nga nagaupod kag nagagiya sa mga tropa militar nga nagaoperasyon sa Barangay Santol, Binalbagan.

Ini ang pakadtuan sang mga lunod patay nga mga aset sang erya bangud sang ila makahalalit nga hinimoan nga nagaapekto sa pangabuhian sang malapad nga pumuluyo. Ginapangabay man sang NPA nga indi pagsundon ang banas nga ginpili ni Diolito Arnado. Samtang para sa ara na sa hanay sang mga bayarang aset, ginapanawagan man sang NPA ang ila pagsungka sa pinakamalapit nga yunit kag pamatud-an ang ila pagbag-o.

The post Asset sang CIDG kag AFP, ginsilotan appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.