Diri kaapi han New People’s Army (NPA) an 16 katao nga ginpagawas han 8th Infantry Division ngan Police Regional Office (PRO)-8 nga mga sinurender ha ira diri pala maiha. Mga parag-uma hira nga kinahanglan kilal-on an mga katungod komo mga non-combatant ha ilarum han internasyunal nga makatawo nga balaud o IHL.

Ginsering han 8th ID ha ira pahayag nga walo nga kunuhay kaapi han NPA ha Northern Samar, nga gin-ngaranan nira nga “urhi nga balwarte” han rebolusyunaryo nga kagiusan ha rehiyon, an sinurender ha ira mga tropa. Walo liwat kuno an ginpasurender han PRO-8. Waray bisan usa ha an aada ha aktibo nga serbisyo han NPA ha panahon han “pagsurender.”

Ini nga mga balita han “pagsurender” buaw sugad han mga deklarasyon han “stable internal peace and security condition” ha 19 nga bungto ha Northern Samar, pinakaurhi an Palapag ngan Gamay. Nagios yana an NPA diri la ha Northern Samar kundi hasta ha ha magkalain-lain nga parte han Eastern Visayas. Naghihimo ini hin buruhaton rekoberi ngan ekspansyon agud buligan an masa nga utro nga bug-uson an ira organisado nga kusog, pakyason an militarisasyon, ngan ipasulong an gerra han katawhan. Amo nga nakaglansar ini hin mga taktikal nga opensiba sugad han ginhimo hini ha Baybay City, Leyte hadton Septyembre.

Diri angay tumuod dayon an publiko ha sugad hini nga mga buaw nga pahayag han AFP ngan PNP.

The post Diri kaapi han NPA an mga ginpasurender han 8th ID ngan PRO-8 appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.