Gipusil ug gidakop sa mga tropa sa AFP ug PNP-Tagum ang usa ka NPA nga buntis sa Barangay Visayan, Tagum City, adtong September 19, banda alas 6:00 sa gabii. Si Arnida Cuaton Manuiguilid (Ka Lovi, Fikong, Yassy) ay usa ka buntis nga NPA nga gipahiluna aron matagaan og atensyong medikal ang iyang pagbuntis. Kumplikado ang iyang pagbuntis ug kinahanglan niya ang makanunayong medical check-up.

Dakong bakak ang gipagula nga pamahayag sa AFP nga gipusil kuno sa iyang mga kauban nga mga NPA si Arnida. Gama gama kini nga istorya sa berdugong AFP para matabunan ang ilang gihimong kalapasan sa tawhanong katungod kang Arnida nga adunay espesyal nga proteksyon isip babaye ug buntis sa pangkalibutan nga balaod sa gubat ug pagrespeto sa iyang indibidwal nga katungod. Gipagawas sa AFP ang bakak nga NPA ang mipusil kaniya aron makalikay sa krimen nga gibuhat sa dili armadong buntis.

Sa nagpadayong nga gubat sa katawhan sa FSMR, daghang kalapasan sa tawhanong katungod Ang AFP-PNP-CAFGU ilabina sa ilang gilunsad nga focus and sustained military operation sa tibouk FSMR nga kanunay ang biktima ang batakang mga masa nga mag-uuma, settler, Moro, ug uban pa. Isa si Arnida sa biktima sa AFP sa ilang mga bakak nga gipagula sa media aron linglahon ug hiluan ang huna huna sa mga tao ug tabunan ang ilang mga kalapasan.

The post Naka-medical leave nga buntis nga NPA ang gipusil ug gidakop sa pasistang tropa sa rehimeng US-Marcos appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.