Bag-ong tsapter sa ARMAS sa Sugbo, madasigong nagplano alang sa pag-asdang sa rebolusyong pangkultura sa rehiyon batok sa kolonyal, burges, ug pyudal nga kultura sa nagharing hut-ong

Malampusong natukod sa probinsya sa Sugbo niadtong Hulyo 21, 2026, ang usa ka tsapter sa Artista at Manunulat ng Sambayanan (ARMAS). Sa unang opisyal nga tigom niini, madasigong naghiusa ang mga rebolusyonaryong artista ug manunulat sa ika-duhang sentrong urban alang sa komprehensibong programa niini sa tuig 2026 nga alinyar sa pangkinatibuk-ang tumong sa rebolusyonaryong kalihukan sa rehiyon.

Malaumon ang bag-ong tsapter nga, pinaagi sa kolektibong pagpaningkamot kauban ang masa ug sa giya sa Partido Komunista sa Pilipinas (PKP), labawng modaghan pa ang mga mamumuong pangkultura gikan sa han-ay sa mag-uuma, mamumuo, ug petiburgesya sa kasyudaran nga motampo sa pag-asdang sa demokratikong rebolusyon sa katawhan nga adunay sosyalistang perspektiba. Nahimong dakong inspirasyon sa ARMAS – Cebu ang kasamtangang kalihukang pagtul-id nga gilunsad sa PKP.

Yaweng bahin sa plano sa ARMAS – Cebu ang pagpukaw, pag-organisa, ug pagpalihok sa han-ay sa mga mag-uuma, mamumuo, ug alang-alang mamumuo sa rehiyon. Gidun-an sa mga sakop ang kamahinungdanon sa pag-integreyt sa produksyon ug pakigbisog sa batakang masa kay mao kini ang kapanukaran ug undon sa epektibong rebolusyonaryong arte ug literatura. Nahiusahan sa tsapter nga tun-an, huptan, ug isapraktika ang mga tukmang pamaagi sa paglihok isip mga rebolusyonaryong aktibista aron buk-on ug transpormahon ang burges-liberal nga “art for art’s sake” ngadto sa sining nga tinuod nga iya ug ganansya sa katawhan.

Tabunok ang yuta alang sa han-ay sa mga artista ug manunulat para labaw pang palagsikon ang rebolusyonaryong kalihukan sa probinsya; para batukan ang mga kontra-katawhang panghuna-huna ug kultura nga iya sa nagharing-hut-ong; para iisa ang proletaryong kapukawan sa mga Sugboanon; ug para maglunsad og labing hait nga mga porma sa opensibang kultural sa baba mismo sa kaaway.

Mabuhi ang ARMAS – Cebu!
Mabuhi ang mga rebolusyonaryong artista ug manunulat!
Mabuhi ang demokratikong rebolusyon sa katawhan!

The post Bag-ong tsapter sa ARMAS sa Sugbo, gitukod appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.