Ginpatuman sang Leonardo Panaligan Command-New People’s Army Central Negros Guerrilla Front ang silot nga kamatayon sa desisyon sang korte sang pumuluyo kay Bador Talisayan sang Sityo Laos Gamay, Barangay Trinidad, Guihulngan City, Negros Oriental sang Abril 17, 2026 mga alas 9:25 sa gabi-e, Sabado.

Si Bador pila na ka beses nga gin-istorya sang NPA sa iya mga kahuyangan sa pagpanahor kag pagkapalahubog nga gintunaan sang pagpangkastigo sa kabataan nga nagatuga sang iskandalo sa lugar. Tuig 2026 liwat naman ini nga ginsaway, gin-edukar kag ginpaandaman sa iya mga nagbalik nga mga gawi.

Napamatud-an nga si Talisayan ang may kaangtanan sa Armed Forces of the Philippines bilang asset nga magmonitor sa hulag sang masa kag NPA sa lugar kabaylo sang kantidad sang kwarta kag iban pa nga tipo sang pagpasalig.

Labaw sa tanan, napamatud-an man sang rebousyonaryong korte nga si Bador Talisayan ang nagtudlo kag naggiya sa 47th IB sa pagmasaker tubtob sa pagpatay sa mag-asawang Pedro Kag Juliana Gemudo, pagkapilas kag pag-abdak kay Lolly Alperto sadtong nagligad nga Enero 31, 2026 alas 7:00 sang aga sa sityo Laos Daku, Barangay Binobohan, Guihulngan City Negros Oriental.

Ginapanawagan sang LPC-NPA sa pumuluyo nga indi gid pagsundon ang kontra-rebolusyon nga gawi ni Bador. Ang NPA ang indi man mag-untat sa paglagas sa inyo matapos nga mapamatud-an sang korte sang pumuluyo ang inyo nakomiter nga kaso sa nagakaigo nga silot. Bukas man ang NPA sa pag-akomodar sa tanan pa nga may gina-atubang nga kaso sa rebolusyonaryong kahublagan. Samtang ang may mga utang nga dugo sa pumuluyo kag rebolusyon determinado man ang NPA sa pagsukot sa inyo nahimo nga mga kahalitan sa inyo mga nabiktima.

The post Hustisya para nila Pedro Gemudo kag Juliana Gemudo appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.