Grabe ang pagtinguha kag pagbinutig sang 47th IB angot sa natabo nga engkwentro sa Sitio Matab-ang, Barangay Masaling, Cauayan. Desperado ila pagpanghinabon sa ila 2 ka kaswalti sa inaway. Ginsuli pa nila ang naratibo nga ang yunit sang Armando Sumayang Jr Command (ASJC-NPA), nga sa matuod, luwas lang nakamaniobra matapos natigayon ang kontra-opensiba sa nagaatake nga kaaway. Sa baylo, imbes nga ang mga pulang hangaway ang napatyan, ang AFP amo ang may 2 ka kaswalidad.
Magluwas nga wala sang kaswalidad sa hanay sa NPA, ginkumpirma sa mga pumuluyo nga may 2 ka tropa sang AFP nga ginhaya nga taga Barangay Basak kag Tambad, nga puro sakop sa banwa sang Cauayan. Suno sa mga datus, ginpalapta ang isturya nga ang ginhaya sa Basak ‘napatay sa dengue’, nga bisan ang pumuluyo indi makapati.
”Kung napatay man ini sa dengue, nagpakita lang nga ginapabay-an nila ang ila tropa nga mapatay sa sakit nga mabulong lang man. Magluwas sini, daw ka talupangdon man nga ginhaya matapos to ang engkwentro nga natabo,” suno sa Isa ka pumuluyo.
Nagpakita lang ini sa matuod nga kinaiya sang AFP: indi masaligan kag butigon nga mga bayaran nga sundalo sang nagahari nga sahi. Athag man nga indi matuod ang ila ginahambal nga ‘dismantled’ na ang larangan gerilya, bangud samtang magpabilin ang sandigan nga kahimtang sa pagpanghimulos kag pagpamigos sa masang mangunguma kag mamumugon, magpabilin nga husto kag magdugang ang pwersa sa NPA nga handa muatubang sa wala-puas nga atake sang kaaway.
The post 2 ka napatay nga tropa sa 47th IB sa engkwentro sa Cauayan, desperado nga ginlipod appeared first on PRWC | Philippine Revolution Web Central.
From PRWC | Philippine Revolution Web Central via This RSS Feed.