Tumitindi ang gerang agresyon ng imperyalistang Estados Unidos sa iba’t ibang bahagi ng mundo. Sunod-sunod ang paglulunsad nito ng gera at armadong interbensyon sa maraming bansa. Asong ulol ang pedophile na presidente ng US na si Donald Trump sa kanyang ambisyon na maghari-harian hindi lamang sa Estados Unidos, kundi sa buong mundo. Katuwang ang Zionistang Israel at mga tutang rehimen sa rehiyon ng Kanlurang Asya, patuloy ang henosidyo at panggegera ng US sa Palestine, Lebanon, Syria, at ngayon ay sa Iran. Sa iba pang bahagi ng mundo, tuloy-tuloy ang pananakot, pamimirata, pagpataw ng sangsyon, at proyektong regime change laban sa mga bansa kagaya ng Venezuela, Cuba, Colombia, at Greenland.

Malinaw sa mamamayan ng Pilipinas at ng buong mundo na mismong imperyalismong US ang numero unong salot sa buong daigdig. Bilang mga rebolusyonaryong propesyunal at kabataang-estudyante sa larangan ng agham at teknolohiya, kailangan nating tuloy-tuloy na pukawin, organisahin, at pakilusin ang ating sektor at ang mamamayang Pilipino laban sa buhay na bangungot ng imperyalismo.

Umaabot na sa libo-libong mamamayan ang namatay sa Iran karamihan ay mga bata at sibilyan. Gayundin ang pagwasak ng US ng mga sibilyang imprastruktura, kabilang dito ang mga academic at research institution, para ipagkait ang batayang serbisyo, padapain ang industriya at gawaing pananaliksik, at ilugmok sa kahirapan ang mamamayan ng Iran. Subalit magiting na isinusulong ang anti-imperyalistang digma ng mga mamamayang Irano upang ipagtanggol ang kalayaan at soberanya ng kanilang bansa at biguin ang pananakop ng imperyalistang US at Zionistang Israel.

Ang matinding hambalos at masamang epekto ng gerang ito sa mamamayang Pilipino, kahit libo-libong kilometro ang layo ng digmaan, ay mauugat sa kawalan ng batayang industriya at dependyenteng ekonomya ng ating bansa. Ilang libong OFW ang nawalan ng trabaho at karamihan sa kanila ay pwersahang umuwi na sa Pilipinas. Doble ang itinaas ng presyo ng langis sa Pilipinas, sumisirit ang presyo ng mga pangunahing bilihin, habang patuloy ang paglala ng kawalan ng trabaho lalo na sa hanay ng manggagawa at mala-proletaryo. Tuso at di-mabusog sa supertubo, sunod-sunod na tinaasan ng mga malalaking dayuhang kapitalista at mga kasapakat nitong mga burgesya kumprador ang presyo ng langis at singil sa kuryente, transportasyon, at mga batayang serbisyo.

Lalo pang pinalalala ng rehimeng US-Marcos Jr. ang tumitinding pang-ekonomiya at pampulitikang krisis sa bansa. Walang pagtutol ang maamong tutang si Bongbong Marcos Jr. sa pang-uupat ng gera ng US sa Timog Silangang Asya. Kasangkapan ng US si BBM, ang Armed Forces of the Philippines at ang Philippine Coast Guard para palalain ang sigalot sa West Philippine Sea. Malinaw ang layunin ng US na magkaroon ng gerang inter-imperyalista sa Asya upang pahinain ang kalaban nitong China, angkinin ang merkado at ekonomiya, at panatilihin ang kanyang pampulitikang pangingibabaw sa Pilipinas at sa Timog Silangan Asya.

Itinutulak ng imperyalismo ang mga bansa at mamamayan na maghawak ng armas at isulong ang anti-imperyalistang pakikibaka at rebolusyon para sa pambasang pagpapalaya at sosyalismo. Sa Pilipinas, obligado ang mga mamamayan at rebolusyonaryo na palakasin ang kilusang masa sa kalunsuran at armadong pakikibaka sa kanayunan bilang tugon sa imperyalistang gera ng US at mga kasapakat nito.

Walang maasahan sa tuta at pahirap na rehimeng US-Marcos Jr. upang resolbahin ang krisis at paghihirap ng mamamayan. Kinakailangan igiit ng mamamayan, kasama ang mga siyentista, inhinyero, at propesyunal, ang pagsasabansa ng mga pampublikong pasilidad at industriya tulad ng langis, at pagsulong ng tunay na reporma sa lupa at pambansang industriyalisasyon upang maging salalayan ng matibay na ekonomiya. Dito matitiyak na magkakaroon ng sapat na kakayahan at kabuhayan ang mga mamamayan na tugunan ang mga batayang pangangailangan at serbisyo, may gera man o wala. Kasabay nito ang paggigiit ng mamamayan sa isang pakatarang panlabas na independyente, at pagbabasura ng mga kasunduang militar at pang-ekonomiya sa pagitan ng Pilipinas at imperyalistang US.

Sa gitna ng ating panawagan na wakasan ang imperyalistang gera ng US sa Iran at iba pang bahagi ng mundo, kailangan mapakilos ang mga Pilipino para mapwersa ang Malacañang na ibaba ang presyo ng langis at mga bilihin, itaas ang sahod ng manggagawa, at gawing abot-kaya ang mga bilihin. Mangyayari lamang ito kapag ang laksa-laksang mamamayan sa buong bayan ang maniningil at igigiit ang kanilang interes sa inutil na gobyerno ni Marcos Jr.

Kasabay nito ang paparaming paglahok sa rebolusyon at patuloy na pagsampa ng mga mamamayan sa armadong pakikibaka. Ang mga siyentista at teknolohista ay kailangang mahikayat upang ilaan ang kanilang lakas at talino para sa pagsusulong ng matagalang digmang bayan. Hawak ang pagigiging malikhain, maparaan, at rebolusyonaryong diwa, tulad ng mga siyentista at teknolohista sa Iran at Palestine, magagawa natin paunlarin ang mga kakayahan sa digma ng ating Bagong Hukbong Bayan at maibsan ang paghihirap ng mga mamamayan sa ating mga larangan sa kanayunan.

Sa paglakas at tagumpay lamang ng pambasang demokratikong rebolusyon, mawawakasan ang paghahari sa lipunan Pilipino ng imperyalismong US kasabwat ang mga malalaking burgesya kumprador, panginoong maylupa, at burukrata kapitalista. Hamon sa ating lahat na magpunyagi sa ating pakikibaka, kasama ang mamamayan ng mundo, laban sa salot ng imperyalismo.

The post Sektor ng agham at teknolohiya, labanan ang imperyalistang gera ng US appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.