Ginhampak sang mga katapo sang #DiMasaligan79IB ang ulo sang mag-utod nga sanday Oliver kag Joven Tingga, kagahapon, Marso 11, sa Sityo Tabunok, Barangay Paitan, Escalante City, Negros Occidental.

Ini matapos nga nanginwala sila sa pamangkot sang nasambit nga militar kon kilala ba nila ang nagpatay kay Jackielou alyas Buboy Calsona.

Natabo ini sang ginpatawag sang mga tropa militar ang mag-utod nga Tingga sa balay sang isa ka residente sa Barangay Libertad, Escalante City.

Madumduman nga si Calsona ang ginsilotan sang mga Pulang hangaway sadtong Marso 4 sa nasambit nga barangay.

Samtang, ginpahug kag gintayaan sang armas sa mga pwersa sang #DiMasaligan79IB ang senior citizen nga si Jose Carbaquel sa Sityo Moncada, Barangay Paitan, Escalante City, Negros Occidental, sadtong Marso 9.

Ginkadtoan sang nasambit nga militar si Carbaquel sa sina nga tion sa iya nga gin-obrahan nga hasyenda. Nangakig ang militar sang nagbalibad siya sa ila pamangkot kon nakakita ba siya sang NPA.

The post Mag-utod kag senior citizen, ginharas sang #DiMasaligan79IB appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.