Kagab-i, Marso 8, mga alas 11:00 sang gab-i, ginsunog sang taktikal nga yunit sang Romeo Nanta Command -NPA ang mga ekwipo sang W.D Anglo Agri Farm sa Hacienda Baling, Barangay Libacao, nga nagparalisa sang ginsaligan sini nga mga kagamitan. Nagresulta ini sa indi na mapuslan nga 3 ka traktora, 1 ka crane, kag 1 ka backhoe.
Naglab-ot ang bilog nga kantidad sang halit sa ₱30,000,000.00 tubtub ₱40,000,000.00, nga nagserbe nga ‘sanction’ kay Wilfred D. Anglo, tag-iya sang W.D. Anglo Agri Farm, bangud sa iya pagpahimulos sa mga ‘obreros’ ukon mga mamumugon sa uma nga ginasuhulan lang sang mumho samtang nagapakalunod siya sang manggad. Ang operasyon sang Anglo nagapakita sang lala nga reyalidad sang indi makabuhi nga suhulan sa malapad nga katubuhan sang syudad sa Himamaylan.
- Hilamon – ₱2,400 kada ektarya
- Patdan/Pagtanom ₱930 kada laksa
- Tapas – ₱220 kada tonelada
- Kamada – ₱3.00
Samtang indi na gani makatrespaser ang rehiyonal nga suhulan sa ila panginahanglanon, mas natulod pa gid sila sa tuman kabudlay kag kagutom idalom sang pyudal nga pagpanghimulos sa suhulan nga ginpakanaog ni Anglo. Sobra ka layo na ini kag makainsulto sa P1,200 nga ‘national minimum wage’ nga ginademanda sang mga Pilipino nga mga mamumugon agud masabat ang adlaw-adlaw nga panginahanglanon.
Dugang diri, ini nga mga mamumugon sa uma, kalabanan sa ila ang halos bilog kabuhi na nga nagatikad sang duta apang wala gid makadawat bisan sa saligan nga mga benepisyo. Para masiguro ang iya kontrol, nagapautang man siya nga nagahigot sa mga mamumugon bangud sa 10% nga interes kada semana.
Magserbe ini nga bug-at nga paandam sang mga komprador burgesya kag mga despotiko nga mga manug-agaw sang duta sa Negros: Indi kamo mapanalipdan sang inyo manggad. Ang inyo mga goons kag mga ahente sang militar nga nagapangapin sa inyo, isa lang ka mga tigreng papel.
Ang RNC-NPA padayon nga determinado nga pangapinan ang mga kinamatarung sang masa. Tubtub nga ang kamot nga nagatikad sang duta sa aton pungsod padayon nga ginagutom, ang mga pulang hangway padayon nga maninguha agud wasakon ang mala-kolonyal kag mala-pyudal nga sistema sa pungsod. Padayon kami nga maghimakas tubtub nga ang duta mapanag-iya sang mga nagatikad sini.
The post Hustisya batok sa sakon nga mga agalon mayduta: Ginpahamtangan sang ‘sanction’ sang RNC-NPA ang isa ka Agri Farm sa syudad sang Himamaylan appeared first on PRWC | Philippine Revolution Web Central.
From PRWC | Philippine Revolution Web Central via This RSS Feed.