Unget ken ladingit ti narikna ti umili iti Kalinga iti pannakamartir ni Victor Daligdig alias Ka Sid ken Ka Changli. Maysa isuna na a nalaing, natured, naanus, nagaget ken naragsak a kadre ti Partido Komunista ti Pilipinas ken komander ti New People’s Army.
Agyaman ti yunit ti Lejo Cawilan Command- NPA Kalinga ken ti intero a rebolusyonaryo a pwersa iti amin nga umili a nakipagladingit, timmulong a nangtaripato, nangipan kenni Ka Changli idiay ili na, nakipaglamay, nangipamunpun, nangipaay iti panagrespeto ken rebolusyonaryo a pammadayawkenni Ka Changli. Itultuloy ken pairutan ti nainsigudan ken rebolusyonaryo a kaugalian a mangtulong ken mangrespetar iti natay.
Ti pannakamartir ni Ka Changli idi November 23, 2025 iti Allaguia, Pinukpuk, Kalingaket paset ti naranggas nga operasyon ti pasista – terorista a kameng ti 5th ID, 503rd Bgde, 53rd DRC, 103rd IB, 98th IB, 14th Coy ti SAF, 1st ken 2nd Coy ti Provincial Mobile Forceken unit ti CAFGU laban iti umili ken rebolusyonaryo a pwersa iti Kalinga.
Ni Ka Changli ket dimmakel a nasayaat ti rekord na iti ili. Napanday ti katatao na iti uneg ti narigat a kasasaad. Namulat isuna gapu iti kinabulok ti sistema ti gimong. Inarakup na ti rebolusyon ken armado a pannakidangadang kas pudno a solusyon tapno magibusan ti panaggundaway, panangidadanes ti imperyalismo ken agar-ari a dasig.
Saan a nagduadua ken napinget a sinurot ni Ka Changli ti panawagan ti Partido para iti Maika-3 a Tignayan ti Panagilinteg. Aktibo a nakipaset isuna kadagiti innadal tapno masublian dagiti basaran a prinsipyo ti Partido. Silulukat isuna a dillawen ken ilinteg dagiti langa ti pesimismo, empirisismo, konserbatismo ken burukratismo iti bagi na ken iti yunit a naipaunegan na. Iti sango ti naranggas a kontra-rebolusyonaryo a gyera ti rehimen a US-Marcos Jr. naibtur isuna iti rigat ken saan a natebbag ti pangngeddeng na.Napinget isuna a mangidanon ti rebolusyon ken ti Tignayan ti Panagilinteg kadagiti masa.
Ti ipupusay ti maysa a nasayaat nga anak ti umili a naggapu iti marigrigat a dasig ken pudno a rebolusyonaryo ket buya ti kinapinget ken kinasagana ni Ka Changli iti naindaklan ken kangatoan a sakripisyo para iti Nailian-Demokratiko a Rebolusyon.
Iti bangir na ipakpakita ti rehimen US-Marcos Jr.ti kinapasista-terorista na. Agtultuloy inggana iti agdama ti nalawa a panangipakat dagiti puwersa ti AFP-PNP-CAFGU, peke ken paulit-ulit a panagpasurrender ti masa ken dati nga kameng ti NPA kasta met dagiti armas. Nayon pay ti panagilastog iti implementasyon dagiti proyekto manipud iti pundo ti Barangay Development Program (BDP).
Ti kangrunaan a panggep ti pablaak nga “insurgency free” ken “peaceful” ti probinsya (a manipud 2022 pay a maidekdeklara) ket tapno maawis dagiti gangannaet ken lokal a kapitalista nga agnegosyo iti probinsya. Aglalo nga inlukat ti rehimen a US-Marcos Jr. ti kadagaan ken kinabaknang ti probinsya a pagganansyaan dagiti managgundaway a dasig.
Ngem ti kinaranggas ti estado ken militar ket saan na a malapdan ti pannakilaban ti umili ken panag-abante ti rebolusyon nga isu ti pudno a solusyon a mangpunas iti kararamut ti kinarigat. Saan a sumardeng ti pannakidangadang ti umili bayat nga agtaltalinaed ti bulok a sistema a mala-pyudal ken mala-kolonyal. Ti unget ken ladingit a narikna ti umili iti panakapusay ni Ka Changli ket lallalo kadi nga mangpagil-ayab ti rebolusyonaryo a tignayan iti probinsya.
Agbiag ti lagip dagiti martir! Iyabante ti Nailian-Demokratiko a Rebolusyon inggana Sosyalismo!
Suroten ti naranyag nga biag ken lagip ni Ka Changli! Sumampa iti NPA!
The post Karit dagiti martir: Napinget nga iyabante ti dangadang appeared first on PRWC | Philippine Revolution Web Central.
From PRWC | Philippine Revolution Web Central via This RSS Feed.