Naglunsar sang 21-gun salute ang mga Pulang hangaway sa idalum sang Roselyn Jean Pelle Command-New People’s Army-Northern Negros (RJPC-NPA) sadtong Pebrero 12, 2026. Ginpatigayon man ang malip-ot nga programa para ipaambit ang nangin kabuhi, paghimakas kag naamot ni Reynaldo “Ka Amek” Erecre sa rehiyon sang Negros.

Kalabanan sang mga nagtambong sa ginhiwat nga pagpasidungog kay Ka Amek naghalin sa hanay sang mga pamatan-on, sahing mangunguma kag mamumugon sa kampo nga bag-ong nagpatapo sa Nes People’s Army (NPA). Kasubong nila, panahon sang iya kabatan-onan sang una nakasulod si kaupod Amek sa kampo sang NPA.

Una nga namuklat sa iya kaugalingon nga inagihan nga kabudlayan bilang isa ka mamumugon sa ulobrahan sang plywood samtang naga eskwela sa kolehiyo, nakita niya ang kaugalingon nga lugar sa rebolusyon agud mag-alagad sa pumuluyo kag itib-ong ang demokratikong rebolusyon sang banwa.

Kilala siya bilang dungganon nga katapo kag lider sang Partido nga nagpanguna sa pagtukod kag pagkonsolida sang BHB sa Bohol kag Negros.

Nakatatak na sa tagipusoon kag paminsaron sang mga kadre kag Pulang hangaway sang rehiyon ang gihatag nga ubay ni Ka Amek ilabi na sa panahon sang kahublagan panadlong sang rehiyon. Isa ka ehemplo sang matutom nga pagsaway kag pagsaway sa kaugalingon kag pagdapat sang teoryang Marxismo-Leninismo-Maoismo (MLM) sa aton inaway banwa.

Magapabilin nga buhi nga handumanan ang imo kapisan, determinasyon kag kaisog sa pagpasulong sang kahublagan masa kag pagdepensa sang mga pumuluyong pigos kag ginahimuslan sa isla.

Bug-os ang panindugan sang RJPC-NPA nga magahanas sang mga bag-ong kumander kag padamuon pa ang masunod nga henerasyon sang mga rebolusyonaryo nga magapadayon sa nasuguran na ni Ka Amek kag pagadal-on pa ini sa mas abante nga halintang.

The post Pagpasidungog para kay Ka Amek, ginhiwat sang RJPC-NPA appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.