Mabaskog nga ginakondenar sang Leonardo Panaligan Command-New People’s Army (LPC-NPA) ang pag-abdak kay Lolly Alperto, 60 anyos, isa ka mangunguma, sang Sityo Agpapataw, Barangay Binobohan, Guihulngan, Negros Oriental sadtong Enero 31, alas 7:00 sang aga.

Tubtob subong, wala pa ginbuy-an si Alperto sa mga pasistang militar kag wala pa nakapauli sa iya puluy-an. Nagtuga ini sang kahangawa kag pagkabalaka sang mga pumuluyo sa lugar ilabe na gid sang pamilya Alperto.

Nadumduman nga sa sina man nga adlaw, ginmasaker sang berdugong 47th IB ang mag-asawa nga Pedro kag Juliana Gemodo sang nasambit nga lugar. Si Alperto, sa sini nga tion, namupo sang kape malapit sa payag nga ginpahuwayan sang mag-asawang Gemodo.

Sa inisyal nga imbestigasyon sang LPC-NPA, biktima si Alperto sang patarasak nga pagpaniro sang berdugong 47th IB nga nagtuga sang iya pagkapilas.

Kaangay sang mag – asawang Gemodo, katapo man si Alperto sang Kapunungan sa Gagmay’ng Mag-uuma sa Oriental Negros (KAUGMAON)-Guihulngan Chapter nga ginredtag sang pasistang militar.

Maathag nga muklat nga ginlapas sang pasistang 47th IB ang Comprehensive Agreement on Respect for Human Rights and International Humanitarian Law (CARHRIHL) ang pag-abdak kay Alperto.

Lubos nga ginapanawagan sang pamilya ni Lolly Alperto nga hilwayon siya sa madali nga panahon gikan sa mapintas nga kamot sang 47th IB.

The post Pag-abdak sang 47th IB kay Lolly Alperto, ginakondenar appeared first on PRWC | Philippine Revolution Web Central.

From PRWC | Philippine Revolution Web Central via This RSS Feed.